Heitið „guðseindin“ mjög villandi

Það er löngu kominn tími á að leggja þessu viðurnefni.

Eina ástæðan fyrir því að Higgs-bóseindin hefur verið kölluð „guðseindin“ er sú að eðlisfræðingurinn og nóbelsverðlaunahafinn Leon Lederman skrifaði bók um eindina með því nafni, á frummálinu:  „The God Particle: If the Universe Is the Answer, What Is the Question?“.

Ástæðan fyrir því að hann kallaði eindina þessu nafni er sú að það hefur reynst jafn erfitt að finna hana og guð sjálfan.

Þetta hefur ekkert með tilveru guðs að gera, hvað þá uppbyggingu guðs eða neitt því um líkt. Vísindamenn eru ekki að reyna að finna guð með því að finna guðseindina. Áframhaldandi notkun á þessi heiti frekar en að kalla hana bara Higgs-bóseindina býður bara upp á misskilning, líkan þeim sem ég hef tekið eftir í a.m.k. tveimur af hinum blogg-færslunum við þessa frétt.

Fyrir þá sem eru ekki alveg vissir af hverju þessi Higgs-bóseind skiptir svona miklu máli, þá eru vísindamenn búnir að áætla að hún sé sú eind sem gefur öðrum eindum massa. Ef vísindamenn fanga þannig upprót massa, geta þeir mögulega stjórnað honum, og þið getið rétt ímyndað ykkur hvað við gætum gert ef við gætum minnkað og aukið massa hluta að vild; fyrir það fyrsta yrði flutningur mun ódýrari, auðveldara yrði að koma græjum út í geim og margt fleira sem kæmi eflaust síðar í ljós.

 

 

Hverjir verða fyrstir til að finna „guðseindina“?